(Reuters) – Presidente di Colombia, Gustavo Petro diasabra ultimo a propone un stop na tiroteo multilateral na tur grupo arma ilegal cu ta opera na e pais, esaki como parti di haci impulso di un proceso di paz pa pone fin na e conflicto arma violento.
Den un bishita na municipio di Ituango, na departamento di Antioquia, e mandatario a expresa cu varios organisacion arma iregular a mustra nan intencion di busca e fin di e confrontacion.
“Accionnan ta implica cu mester tin negociacion legitimo di e gruponan aki pa papia cu Estado y e accionnan lo por cuminsa, si nos ta cuminsa cu e dialogo ey, cu un stop multilateral di rivalidad” Petro a señala na un acto publico di Gobierno.
“Mi ta propone un stop na tiroteo na e gruponan aki cu ta na tur e pais pasobra esey ta e ambiente mas indica pa logra e forsa di e sociedad, pa permiti nos legitima un fin definitivo di violencia arma”, el a splica.
Petro, un militante antiguo di guerrilla di M-19 a sali for di e mundo ey y a reintegra su mes na bida civil na 1990, na comienso di luna el a asumi e mando como e prome presidente di iskierda den historia di Colombia.
E iniciativa tambe ta contempla dialogonan cu e disidentenan di guerrilla antiguo di FARC den cual nan a rechasa un acuerdo di paz na 2016 y negociacionnan huridico cu gruponan criminal como Clan del Golfo implica den narcotrafico cu tabata ricibi beneficionan como rebaha di castigo na cambio di entrega nan bienes y duna nan rutanan di narcotrafico.
E conflicto arma interno di casi seis decada a laga por lo menos 450.000 morto, mayoria di nan civil, entre añanan 1985 y 2018.
