(Infobae) – Diadomingo ultimo, 9 di october, presidente Gustavo Petro a yega na San Andres pa evalua e dañonan cu horcan Julia a laga, cual a pasa den e isla diasabra ultimo cu un riesgo grandi di laga dañonan no solamente na e luga aki sino tambe na Providencia.
Sinembargo, e prome rapport cu e mandatario a entrega ta alentador, pa motibo cu no a registra fayecido ni herido di gravedad.
Den su declaracionnan, el a indica “cu tin problemanan leve” pero cu e horcan no tabata fuerte. Tambe a señala cu e dañonan mas comun a sucede cu daknan di casnan y cu nan ta evaluando e cantidad exacto di vivienda cu dañonan structural. Aunke tabatin poco, el a haci un yamado pa ciudadanonan tin un autonomia mayor na momento di prepara nan mes pa e yegada di otro desaster natural cu e caracteristicanan similar na Julia.
Den sentido aki, el a bisa cu tin un falta di resiliencia cu tambe ta abarca e resto di regionnan di Colombia cu ta exponi na desasternan natural pa via di cambio climatico. Di esaki, el a afirma cu “resiliencia mester ta un concepto di capacidad institucional y social cu mester adkiri den cada teritorio”.
“Den un prome dato cada biaha lo tin mas horcannan”, el a sigura den e Puesto di Mando Unifica y comunidad mester compronde cu lo tin mas desasternan natural manera Julia den e isla pa motibo di e crisis climatico. Asina mes, el a splica e surgimento di ciclonnan y horcannan.
Di acuerdo cu Defensor di Pueblo y e presidente mes, Julia a laga 101 cas cu dañonan, dos destrui y dos persona herido, el a plantia cu den e casonan di Estadonan na Merca como Florida of na Cuba ta usa e misanan y otro espacio di ocupacion publico y priva pa refugio cada biaha cu lo tin un horcan y cu otro regionnan di Colombia tambe por haci esey.
