(NTN24) – Ayera diaranson a reporta un morto y cinco persona herido despues di e explosion di un auto cu un bomba na Saravena, Arauca.
Segun autoridadnan a informa, e atentado a ser realisa na sede di organisacion social di Centro Oriente, unda tabata desaroya un scol di Derechonan Humano.
Asociacion Nacional Campesino, Jose Antonio Galan Zorro a informa cu e hechonan a tuma luga “aunke e zona ta militarisa y tabata 2 cuadra leu di area di siguridad di polis”, segun loke El Colombiano a publica.
Asina mes, a indica cu e hecho a tuma luga despues cu “Antonio Medina”, lider di disidencia di e frente 28 di Farc, a manda un voice note na unda tabata menasa lidernan social y presidentenan di hunta di accion comunal.
Segun e medio Colombiano a splica e voice note a leak den un combersacion entre dos ilegal, e voice ta indica cu “ e idea ta pa bula tur negoshinan” y ta señala como obhetivo militar “esun di Asohunta, presidente di hunta y lidernan”.
Di otro banda, ekipo di DDHH di Congreso di Pueblonan a publica un comunicado den cual afirma cu: “Danki na prevencion y alerta den cual e movemento a comprometi debi na e situacion grave cu ta presenta for di e prome dianan di januari, e entrada na unda e sede ta a ser blokia pa evita cu autonan ta para eynan, esaki a evita cu e personanan lo a laga e pickup cu explosivonan cu nan a explota dilanti di e sede”.
Di su parti, riba Twitter e presidente Iván Duque a rechasa e hecho teribel aki” “E acto terorista miserabel cu un auto bomba na Saravena, Arauca, ta un atake cu tur Colombiano ta rechasa. Nos forsa publico ta sigui fortalece e control teritorial den e zona pa asina aisla e gruponan arma y garantisa siguridad di e poblacion”.
