Polis Nacional di Colombia a rescata cinco adolescente Venezolano cu tabata den man di un red di prostitucion na Cucuta.
Despues di varios publicacion riba rednan social na unda tabata busca modelonan webcam, autoridadnan Colombiano a activa un ekipo special pa cuminsa labor di inteligencia y asina captura e personanan responsabel.
Segun e corant La Nacion, funcionarionan a haya e luga cu tabatin como lider supuestamente un grupo di Venezolanonan cu tabata obliga e adolescentenan aki pa eherce prostitucion cu personanan como adulto mayor.
Ademas, e victimanan tambe tabata exponi a traves di website na unda tabata publica nan actonan sexual.
A keda conoci cu entre e personanan deteni tin un persona conoci como ‘Gambo’, ken tabata hefe di e grupo aki; tambe a keda deteni ‘Yetmer’, esun cu tabata subi y coordina e material na e website; tambe un muhe identifica como ‘Yaireth’, pareha di Gambo ken tabatin e responsabilidad di coordina e encuentronan sexual di e menornan di edad cu homber adulto mayor.
E luga tabata adecua pa haci transmision cu webcam, camara, luz y otro hermentnan. Un cantidad grandi di e material di tipo pornografico, di cual e menornan di edad tabata protagonista tambe a wordo haya pa expertonan ora nan a check ekiponan di computer, disco duro, camaranan y telefonnan.
E personanan a ser hiba na Centro Penitenciario di Cucuta pa presunto participacion den delito di proxenetismo, pornografia cu menor di edad, utilisacion y facilitacion di medionan pa ofrece actividadnan sexual cu muchanan menor di edad.
Pa via di aumento di e tipo di actividadnan aki na frontera cu Venezuela, na ciudad di Cucuta a ser crea un Conseho di Siguridad, den e cual minister di Exterior ta presidi cu Diego Milano y tambe ta conforma pa Instituto Colombiano di Bienestar Social, Polis Nacional, Fiscalia General di Nacion y Migracion Colombia.
