(ElTiempo/Infobae) – E polis Colombiano cu a comanda e operativo den cual e narcotraficante Pablo Escobar a muri, a keda deteni pa labamento di placa, relaciona cu un milicia derechista desmobilisa, asina fiscal general di Colombia a informa.
Ta acusa e coronel pensiona Hugo Aguilar di acumula un fortuna di mas di 5,2 miyon dollar, pa su vinculonan cu e milicia bloque central bolivar, cu ya no ta existi mas.
E investigacion contra Aguilar a cuminsa aña pasa despues cu a haya prueba di su persona conduciendo un auto marca Porsche, mientras e tabata argumenta cu e tabatin demasiado debe pa por paga indemnisacion na e victimanan di e violencia para militar pa cual e tabata coresponsabel. Na 2011Aguilar a keda destitui como gobernador di departamento di Norte de Santander y posteriormente a ser declara culpabel di ricibi apoyo di e grupo arma ilegal. Na Colombia e tabata gosa cierto reconocimento pa su labor den e operativo cu a conduci na morto di e lider di cartel di Medellin na 1993.
