(infobae) – Despues di e paro minero cu a biba den ultimo dianan an Antioquia pa e operativonan di e forsa publico contra e mineria ilegal den nort oriente y Bajo Cauca antioqueño, presidente Gustavo Petro a cita, entre otro, e minister di Defensa Ivan Velasquez y e cupula militar pa un Conseho di Seguridad na Cordoba cu meta pa soluciona e situacion tenso cu ta biba na e sitio.
Despues di e Conseho di Seguridad, e presidente a confirma cu e operacionnan cu e forsa publico a desaroya na e teritorionan aki no ta contra e mineronan chikito, pa loke a mustra nan su sosten y a sigura cu nan ta conta cu sosten di gobierno nacional. Petro tambe a fonfirma cu un di e motibonan cu e paro a presenta tabata e codigo minero cu a redacta den gobierno di Andres Pastrana, den cual a desconoce e minero chikito y como resultado, a persiguie.
Pesey, Petro a confirma, for di gobierno ta bay busca pa reforma e codigo minero, cu meta pa duna sosten na famianan minero y ancestral di e pais.
Segun Petro, ta spera cu a traves di e reformanan plantea pa e codigo minero por logra persigui e diferente grupo mafioso cu ta practica mineria ilegal na Colombia, cu ta afecta directamente e poblacion y recursonan natural.
E finalidad di reformanan ta bay ta pa yega na e construccion di un districto agro-minero den nort occidente y den nort di Antioquia, unda por duna e condicionnan y stipula e derechonan di e famianan cu ta haci mineria responsable na e zona aki. Segun Petro, ta necesario pa for di gobierno establece e inversion pa garantisa un mineria sostenible cu no ta destrui e riu Cauca.
Pero memey di e anuncio, Petro tambe a manda un mensahe fuerte na miembronan di e Clan del Golfo pa nan posible participacion den e hechonan cu a conduci na e paro, cu a afecta al menos 16 municipio di varios departamento. Segun Petro, si confirma e presunto participacion di Clan del Golfo den e hechonan, lo confirma cu e organisacion criminal no tin boluntad di paz – si den su plannan tin pa defende economia ilegal of narcotrafico.
