Diabierna ultimo a registra un jornada di violencia nobo a na nort di El Cauca. Comunidadnan indigena a denuncia e masacre di por lo menos cuatro persona na vereda di San Pedro, Santander de Quilichao. Oranan prome a denuncia e morto di un persona di e mesun localidad.
Segun e prome informacion, a registra e masacre na finca Gualanday, 10 minuut di e cabecera municipal, unda varios homber cu arma di candela a yega y tira contra personanan cu tabata den e luga. E victimanan por a trata di tres indigena y tres campesino. Otro tres persona a resulta herida y nan a keda hiba pa hospital.
Senador y lider indigena nasa Feliciano Valencia a confirma e informacion riba su cuenta di Twitter.
“No por ta posibel cu nos plannan di bida cada dia ta den riesgo y tehido social e guera kier kibra”, e lider indigena, Jorge Sanchez a expresa. Ta investigando ken ta esunnan cu lo por ta tras di e hechonan violento aki, aunke ta papia di delincuencia comun cu ta asota e zona.
Di otro banda, Conseho Regional di Indigena di Cauca (Cric), a denuncia cu den e mesun municipio, oranan prome a asesina Carlos Escue di Resguardo di Munchique Los Tigres, coordinador local di organisacionnan hubenil y vocalista di un grupo musical. Den e atake, otro persona a resulta herida.
Asociacion di Cabildo Indigena di Nort di Cauca (Acin), a informa riba e asesinato di Hernan Eduardo Pino Julicue di 30 aña, yiu di e ex-consehero di e organisacion ey, Luz Eyda Julicue.
Di acuerdo cu e prome hipotesis, Pino Julicue a wordo asesina ora personanan tabata purba horta su brommer, e hechonan a sucede na bario Los Taques, municipio di Caloto.
