Mas di ocho morto y cinco persona herida despues di un explosion na un teritorio indigena na sur west di Colombia diahuebs, pasa segun fuentenan oficial.
Autoridadnan ainda no a establece e origen di e explosion, e prome version ta punta cu a trata di un accidente minero of di manipulacion di explosivo.
“E gobernador indigena a confirma cerca nos cu tin shete curpa, y un cu nan a evacua”, a bisa Guillermo Giraldo, alcalde di municipio di Dagua, na e departamento di Valle di Cauca.
E explosion a ser produci na un resguardo di indigena nasa.
Di su parti, e Unidad di Gestion di Riesgo a informa riba su cuenta di Twitter tocante e traslado di e heridonan ‘despues di e explosion di un mina’.
E victimanan mas grave a ser hiba te e ciudad di Cali, capital di e departamento, Jesus Antonio Copete, responsabel regional di e organismo a indica.
Entretanto, Organisacion Regional di Indigena di Valle di Cauca a afirma cu un comision di derechonan humano a dirigi te e luga di e explosion, unda ‘ta reporta cu tin varios herido y morto di e guardia indigena’.
Di otro banda, hobierno y e indigenanan, kende pa 12 dia caba tin e caminda principal di e caretera di e pais blokia, a inicia diahuebs pasa un dialogo, pa resolve e protesta cu a ocasiona escasez di alimentonan y combustibel na tres departamento.
“E mesa Tecnico di Dialogo entre Gobierno y autoridadnan di Miga Indigena” a instala den aldea Mandiva di municipio Santander di Quilichao na e departamento di Cauca, unda lo realisa un trabou ‘politico y tecnico’.
