Rodrigo Londoño, ex-lider di e organisacion guerillero FARC y actualmente candidato presidencial, a ricibi un contesta hostil di e poblacion den cada acto di campaña, incluso den su ciudad natal La Tebaida, unda e mester a sali cu un bulletproof vest.
Aunke su probabilidad di voto ta cerca di 1% den e encuestanan electoral, e agrupacion tin sigura 10 asiento den Congreso; esaki a base di e acuerdo di paz firma cu gobierno.
Su simpatisantenan a presenta e biahe di Londoño na su ciudad natal como un oportunidad di sondea votacion cu un mensahe di speransa y husticia pa e pobernan. Pero e evento a keda practicamente ruina incluso prome cu el a cuminsa, ora un dia prome e mester a sali persigui di Armenia, cerca di La Tebaida.
Londoño, uzando un bulletproof vest, a wordo saca cu gran urgencia di un edificio pa su body gaurdnan y dilanti un multitud cu tabata ward’e. Posteriormente, mester a yama polis antimotin pa controla un multitud agita cu tabata grita asesino y violado, mientras nan tabata tira webo riba su vehiculo.
Londoño, miho conoci como Timochenko, no a duna e incidente importancia, segun e ta un obra di un grupo chikito di ultraderechista, dicidi di sabotia implementacion di e acuerdo di paz cu gobierno y FARC a firma na 2016.
Aunke e ex grupo rebelde a mantene su promesa di entrega arma, hopi Colombiano ta nenga di bira e pagina scur aki di e conflicto, den cual a muri mas di 250.000 persona, tabatin mas di 60.000 persona desapareci y a causa desplasaMento di mas di 7 miyon.
