Ministro di Finanzas di Colombia, Mauricio Cárdenas, a anticipa diarason pasa riba e colapso inminente di Venezuela y a pidi un plan economico di urgencia pa “e dia despues” cu participacion di institucionnan bilateral.
“E idea ta pa tin un plan economico pa Venezuela cla pa e dia despues. Nos no sa na ki momento nos lo yega na e dia despues pero esey lo ta bay ta rapido mirando gravedad di e crisis,” Cárdenas a bisa AFP na e Foro Economico Mundial na Davos, unda e ta asisti actualmente.
E ministro ta boga pa un plan cu ta inclui multilateral manera Fondo Monetario Internacional (IMF) o Banco di Desaroyo di America Latino.
“Nos mester bolbe suministra Venezuela rapidamente producto farmaceutico, duna e empresanan na Venezuela insumo y materia prima, y esey no por improvisa,” el a añadi.
Segun dato di gobierno na Bogota, tin actualmente como 550.000 Venezolano den teritorio Colombiano, di cual a vacuna 90.000 y otro 20.000 a keda atendi den hospitalmam publico.
“Tur esey ta ser haci cu un gran sentimento di solidaridad pero sie situacion aki escala, e ta bay crea dificultad fiscal grandi y problema grandi,” e ministro a adverti.
E presidente Venezolano, Nicolás Maduro, elegi na 2013 despues di morto di Hugo Chávez, ta enfrenta un impopularidad record debi na e profundo crisis economico di e pais, cu ta sufri di hiperinflacion y escasez di alimento y medicamento.
