(Infobae) – Ex-presidente di Colombia, Juan Manuel Santos, dialuna ultimo 3 di juni 2024 a manda un carta na secretario general di Organisacion di Nacionnan Uni, Antonio Guterres, den cual ta expresa su mal contento pa loke por ta e intencion di e Gobierno actual di convoca un proceso constituyente via un acuerdo di paz cu guerrilla di FARC.

Santos ken a fungi como presidente di Colombia entre 2010 y 2018 a expresa cu, den proceso di paz cu guerrilla firma na 2016, “den ningun parti di e acuerdo final ta propone of insinua cu den futuro lo por desconoce e reglanan estableci den Constitucion vigente.”

Pa Santos, Corte Constitucional a revisa e compatibilidad cu Constitucion, no solamente di e leynan cu ta desaroya den e acuerdo, sino tambe e reformanan constitucional. “Di conformidad cu reglanan y doctrina constitucional acepta den materia ey na Colombia, pais cu ta orguyoso di un tradicion di centenares di aña di respet na comienso di supremacia constitucional.”

Den su carta 29 di maart 20217 Santos a recorda cu den su condicion di hefe di estado, a comparti cu ONU e Acuerdo Final pa caba cu e conflicto y e construccion di un paz stabiel y duradero na Colombia, manera a denomina den e documento, firma entre Gobierno nacional y Forsa Arma Revolucionario di Colombia (FARC) cu a keda estableci na november 2016.

Santos no a sconde su preocupacionnan di loke pa su persona ta e “principio di bon fe” den interpretacion y aplicacion di e acuerdo. El a señala personahenan cercano na presidente, manera Leyva, “mi ta papia di dje pasobra funcionarionan y ex-funcionarionan a atribui algun paragraf di e acuerdo un significado contrario na loke ta, na su alcance y na su finalidad, lo cual ta posiblemente no compatibel cu principio di bon fe.”

El a destaca cu e acuerdo “leu di duna mecanismonan extra institucional of ta busca evita procedura estableci den constitucion” a ser ratifica pa Senado dia 29 di november 2016 pa Camara di Representante dia 30 di november 2016, a traves di mecanismo cu na e momento ey a conoce como fast track.

“Mi ta pidi na Conseho di Siguridad di ONU pa comunica e carta aki y duna mi infinito gradicimento pa e apoyo ricibi a traves di tur e añanan aki. Manera mi a bisa varios biaha, sin e apoyo ey e paz cu FARC no por a ser firma. Den reunion di juli mester insisti den necesidad di implementa acuerdo di paz,” Santos a puntualisa.