Dos dia despues cu presidente Mericano Donald Trump a bisa cu e no ta laga afo cu lo por bin un intervencion militar na Venezuela, presidente di Colombia a bin cu un mensahe pe: esaki no ta un opcion.
Papiando banda di vice presidente Mericano Mike Pence cu tabata riba bishita, presidente di Colombia Juan Manuel Santos a bisa cu nacionnan Latino Americano ta faborece “otro medidanan” pa trece un cambio na Venezuela. “Amigonan mester bisa otro e berdad, p’esey mi ta bisa vice presidente Pence cu e posibilidad pa intervencion militar no mester ni wordo considera,” Santos a bisa.
