(NoticiasCaracol) – E helicopter den cual presidente Ivan Duque tabata biaha a bira blanco di un ataque ora el a sali di municipio Sardinata, Norte de Santander.
Den e aeronave tambe tabata biaha ministro di Defensa, Diego Molano, y ministro di Interior, Diego Palacios. Tambe tabata den e aparato e gobernador di Norte de Santander, Silvano Serrano, y alcalde di Cucuta, Jairo Torres. Segun e promer reportenan, Ivan Duque y su acompañantenan ta ileso.
E aparato a ricibi al menos seis disparo, pero a bira conoci cu danki na e habilidad di e piloto y e tripulacion por a sali bon di e situacion. Presidente Ivan Duque tabata na Sardinata presentando e avancenan di su programa ‘Paz con legalidad’.
Despues di e sucedido aeropuerto di Cucuta a suspende operacion y e zona ta rondona pa un fuerte operativo di seguridad. Duque mes tambe a referi na e atentado: “E helicoptero den cual nos tabata biaha tabata victima di un atentado. Tanto e dispositivo di seguridad como e capacidad di e aeronave a evita cu algo letal lo a pasa (…). E ta un atentado cobarde, nan no ta spanta nos cu violencia o acto di terorismo,” e presidente a indica den su promer declaracion despues di e ataque.
