A surgi pruebanan nobo cu e hefe di ehercito Colombiano tin vinculo cu e supuesto tapamento di asesinato di civil di mas di un decada atras.
E pruebanan, den documentonan cu The Associated Press a haya for di un persona familiarisa cu un investigacion riba ehecucionnan extra-hudicial, a sali na momento cu e general Nicacio Martínez Espinel ta enfrenta un creciente presion pa renuncia di su cargo, debi na e ordo cu el a duna na su soldaatnan pa intensifica e atakenan e aña aki.
Algun persona ta teme cu esaki lo por facilita e caminda pa atrobe por produci grave violacionnan di derechonan humano.
Ta culpa ehercito Colombiano di comete te 5.000 ehecucion extra-hudicial na e punto mas halto di e conflicto arma di e pais, mey mey di decada 2000s, mientras cu e soldaatnan, cu a ser someti na presion di halto comandante, tabata exagera e conteo di curpa, den algun casonan nan a disfrasa civil di guerrillero a cambio di un pago extra y otro gratificacion.
Sinembargo, documentonan nobo di e fiscalia Colombiano ta mustra cu Martínez Espinel a firma sikiera shete caso mas di pago cuestionabel na 2005. E documentonan a ser proporciona pa AFP pa un persona cu a solicita di keda anonimo pa miedo na sufri represalia.
Awo tin informacion cu Martínez Espinel, como hefe di ehercito, ta trata di reestablece e politica cu, segun critica, a conduci na e ehecucionnan.
E opositornan di Duque a pidi e renuncia di Martínez Espinel. Nan a señala un serie di asesinato y tapamento sospechoso di parti di e soldaatnan di e aña aki, cu e coincidencia di orden nobo. No obstante, te awor, e mandatario conservador a apoya e comandante incluso mientras tabata intenta di contene e dañonan.
