Den luganan na unda e conflicto arma ta sinti cu mas forsa na Colombia, ta e gruponan arma ilegal ta esun cu ta forsa cumplimento cu sanger y candela e aislamento obligatorio cu Gobierno a decreta pa via di COVID-19 na e pais.
Zona como Nariño, Chocó, Cauca of sur di Córdoba, e avisonan cadena di WhatsApp, graffitinan na cas y actonan violento pa intimida ta aumenta y aunke esaki no a wordo comproba, tras di cada un di nan ta e nomber di un grupo arma cu tin e tarea di forsa cumplimento di e cuarentena, pa impedi cu e virus sigui plama.
Pero e situacion di salubridad ta haci tur cos mas grave, pues ta presenta un riesgo hopi grandi pa e ilegalnan, ya cu nan no tin con pa responde na un eventual aumento di caso. Esaki a causa un pausa raro entre e gruponan arma y un consenso den locual ta miho pa reforsa e medidanan di Gobierno nacional y yuda desde e arbitrario autoridad di e armanan cu e personanan mester mantene aisla den nan cas.
Den tur e zona frontera cu Ecuador, varios grupo arma tin pa añanan caba un guera sin cuartel pa e control di camindanan y ruta entre e dos pais cu ta transporta contrabando y cocaina, asina como e areanan na unda ta cultiva e blachi di coca, Nariño ta un di e departamento cu mas hectarnan sembra den e pais (45 mil).
Den contexto aki, ta uni e trafico di persona pa un of otro pais cu mas di 37 caminda ilegal cu ta existi cerca di e frontera, cu ta crea un latente menasa pa e aumento di contagio cu COVID-19 den e zona.
