(NTN24) – Gustavo Petro, presidente di Colombia, ayera dialuna a informa cu ta bay suspende un alto al fuego bilateral cu disidencia di FARC despues di e asesinato di cuatro mucha indigena menor di edad na departamento di Putumayo.
“Un hecho teribel cu ta cuestiona e boluntad pa construi un pais den paz. No tin hustificacion algun pa e tipo di crimen aki,” e mandatario a bisa den un comunicado.
E alto al fuego cu tabatin cu e grupo arma aki na departamentonan di Caqueta, Meta, Guaviare y Putumayo ta bay keda suspendi den proximo 24 ora y despues di esey, ta bay reactiva tur ofensiva.
Igualmente, e presidente a bisa cu “si e alto al fuego bilateral no ta efectivo den e teritorionan determina pa protege bida y integridad di e poblacion, no tin sentido persisti den dje.”
Tambe a convoca e delegadonan EMC-FARC, ken den mecanismo di monitoreo a pidi dispensa pa no asisti. “E acusacionnan aki ta bay ta bao respet di derechonan humano y Derecho Internacional Humanitario,” e hefe di Estado a bisa.
Gobierno a exclui cu proximamente ta bay duna e nomber di e integrantenan di e delegacion cu “ta bay participa den mesa di negociacion cu EMC-FARC pa cuminsa cu e dialogonan.”
Organisacion Nacional di Pueblonan Indigena di Amazonia Colombiano (OPIAC) ta esun cu a denuncia cu miembronan di e Frente Carolina Ramirez di Estado Mayor Central di FARC a asesina a cuatro indigena menor di edad na departamento di Putumayo.
Di acuerdo cu e organisacion, e muchanan a purba di scapa di un campamento arma den cual nan tabata deteni, a haya nan morto debi na tiro cu arma di candela na comunidad ‘El Estrecho’, limite entre Caqueta y Amazonas.
