(infobae) – Un peloton perteneciendo na e Batayon di Forsa Special Urbano, Bafur, cu tabata den coregimento di El Plateado, Cauca, a keda secuestra pa disidencianan di FARC, segun noticiero RCN a denuncia.
Segun e medio di comunicacion, lo mas probable ta cu esun responsable ta e frente Carlos Patiño di Estado Mayor Central, e disidencia comanda pa Ivan Mordisco. E peloton ta componi pa entre 13 pa 20 soldad. E grupo arma no a pronuncia riba e suceso, pero ehercito Colombiano ta spera noticia di su miembronan y nan pronto liberacion.
Den un audio, un cabesante di e disidencianan di FARC na Argelia, Cauca tabata convocando un ‘asonada’ cu meta pa expulsa e Forsa Militar for di coregimento di El Plateado, unda nan mester a yega dia 29 di october pa garantisa eleccion. Segun Ehercito a revela, e autor di e audio lo ta Anderson Andrey Vargas Suns, alias Kevin, comandante di structura Carlos Patiño, di Estado Mayor Central.
E disidencia ta busca e salida di ehercito for di El Plateado argumentando cu nan presencia ta genera ‘violencia y teror’ ya cu ta menasa cu e posibilidad di enfrentamentonan arma den e zona.
Alrededor di 300 soldad profesional, incluyendo forsanan special y di desminado, mester a recupera e coregimento dilanti di e imposibilidad pa entrega e material electoral pa eleccion teritorial debi na e presencia di disidencia di FARC.
El Plateado ta un di e teritorionan mas dificil pa acceso pa ehercito nacional. Pero den marco di Operacion Democracia, desplega pa forsanan arma pa garantisa trankilidad di Colombianonan durante e jornada electoral, e ehercito a logra drenta.
Pero awo, e habitantenan a presiona pa retiro di e trupanan pa evita e ‘asonada’ di e disidencia. Asina a manifesta e lidernan di e region y tambe a keda registra riba video circulando riba rednan social.
