Organisacionnan social di Venezuela y gobierno di Colombia a denuncia un par di aña pasa e entrada di gruponan arma Colombiano den teritorio Venezolano, cu hunto cu e gobierno chavista, a fortalece su renta ilicito na e frontera, loke tambe a significa su expansion.
Ademas ELN y disidencia di FARC, otro guerrilla tin presencia na e pais bisiña: e residuo di Ehercito di Liberacion Popular (EPL), cu pa e autoridadnan ta otro banda criminal mas.
Desde 2016, e disidencia di EPL ta denomina pa e Forsa Publico manera ‘Los Pelusos’, cu aunke nan a inicia un guerrilla cu idealnan Marxista den e decada di 1960, y algun di su accion violento ta propio di un grupo insurgente, awe exclusivamente nan ta dedica na narcotrafico, rason pa cual nan ta considera un Grupo Arma Organisa (GAO). Su centro di operacion ta e region frontera di Catatumbo, den disputa cu ELN, unda nan ta conta cu 400 homber, segun cifranan oficial.
Cu e firma di paz y e salida di conflicto di FARC, EPL a propone ocupa e espacio bandona pa e guerrilla ey na e Catatumbo y otro region, manera nort di Cauca y Valle di Cauca; tur pa busca e control di e produccion di droga y ruta di trafico. Asina a inicia un confrontacion fuerte cu su aliado antiguo di ELN, cu a mantene e region Norte di Santander terorisa pa mas di 10 luna.
Awo cu nan ta yama Los Pelusos, nan ta sigui e expansion y ta converti den un forsa arma di apoyo pa e regimen chavista, den e momentonan di mayor tension politico.
