Despues cu a bira conoci cu e grupo di FARC lo bay retoma e lucha arma, Gobierno Colombiano a tuma cinco medida pa enfrenta e menasa aki di e pais y di e region: E creacion di un unidad di elite, e colocacion di borchinan pa indica ken ta e guerrilleronan mas busca, e establecimento di 3.000 miyon di peso como recompensa (casi 872 mil Dollar) pa Iván Márquez y esunnan cu a aparece den e video, reconocimento di nan como un “red criminal” y efectua pedido di extradicion si nan ta na otro pais.
Na un cumbre Militar y di Polis, a duna e prome instruccion pa cumpli cu e orden di e presidente Iván Duque pa crea un unidad di elite pa e persecucion di e disidentenan. E grupo aki lo tin “capacidad reforsa di inteligencia, investigacion y mobilidad na tur e teritorio Colombiano” e mesun mandatario a anuncia.
Di mesun manera como a ser utilisa den aña 90 y 2000, e guerrilleronan lo aparece na borchinan como esun mas busca y esey lo bay tuma luga e otro siman.
Ademas, Colombia ta ofrece un recompensa di 3.000 miyon di peso (casi 872 mil dollar) pa Iván Márquez y pa tur esunnan cu tabata compaña nan riba e video.
Otro medida cu e Gobierno lo bay tuma ta pa no reconoce nan como guerrilla sino como “red criminal”. Esaki ta nifica cu nan no lo ta posibel pa haci negociacion di paz, e salida unico pa su entrega eventual ta cu nan mester somete pa husticia, un figura cu ta representa cu poco beneficio pa esun cu lo dicidi di laga na un banda e armanan.
Pa finalisa, e Ehecutivo ademas a acudi pa e comunidad internacional y a pidi pa e guerrillero lo entrega si nan ta na otro pais.
