(infobae) – Apenas algun dia prome cu Gustavo Petro posiciona como presidente di Republica di Colombia, e actual mandatario, Ivan Duque a papia cu El Tiempo tocante loke su gobierno ta laga atras, y loke e ta kere ta bay ta e proximo cuatro aña cu e lider iskierdista na cabes.
Duque a sigura cu Colombia tabatin un repercusion economico ‘sin precedente’ durante su periodo al mando di e pais y a pronostica cu pa proximo añanan esaki ta bay sigui crece riba 6,5%. SU balans ta exalta logronan den politica di seguridad, ambiente y infrastructura.
Tocante comentarionan di Gustavo Petro tocante purba di negocia e ‘Paz Total’ cu gruponan delictivo, Duqe a manifesta cu esey por ta ‘peligrosisimo’ y hasta por converti den un patent di corso pa e narcotraficantenan, pa asina tuma vengansa di e Forsa Publico y Estado.
“E negoshi di narcotrafico no ta na benta, es decir, si e clan del Golfo realmente kier drenta den un proceso di negociacion, mester entrega e rutanan, bisa con tabata laba e placa, mustra ken tabata abastece nan di precursornan, conta unda ta haya gasolin, ken tabata protege nan ora nan tabata instala laboratorio, kico ta nan vinculo cu cartel di Sinaloa, cu la Familia, cu los Zetas. Pero si aki ta trata simplemente di cu nan ta entrega 500, mil persona y ta somete na Husticia cu un reduccion di castigo, pues loke nos ta mira eynan ta e inicio di un substitucion di frankisia, pero e negoshi no ta na benta, e ta un negoshi demasiado lucrativo y p’esey mester confront’e di raiz. Si nan ta bay papia di paz cu e gruponan criminal arma, cu cartelnan, prome mester tin un sometemento pleno na e normanan di Colombia”, el a comenta.
