(Infobae) – Administracion di Claudia Lopez a lansa un prome encuesta cu ta dirigi na e personanan cu tin relacion cu cannabis, ya sea por medio di investigacion academico of tecnico, activismo, explotacion comercial y industrial of simplemente mediante su consumo medicinal, terapeutico, recreativo, adulto of spiritual.

E obhetivo di e encuesta aki ta pa haya informacion cu lo permiti caracterisa e usuarionan di cannabis di Bogota y zona rond di dje. E investigacion aki ta busca riba e tipo di consumo cu ta realisa, su frecuencia di uso, luganan cu ta provee y luganan na unda ta wordo consumi; ademas di informacion demografico di consumidonan, como edad, sexo, orientacion sexual, nivel educativo, entro otronan.

Di otro banda, e encuesta ta inclui preguntanan riba activismo, emprendimiento, participacion y temanan di interes pa e comunidad aki, como e relacion cu polis, reduccion di dañonan, tratamento, prevencion di consumo y pedagogia.

E districto ta espera cu lo tin un participacion grandi den e realisacion di encuesta Cannabico di Bogota, ya cu december di aña pasa, Comision di Estupefaciente di Nacionnan Uni a cambia di clasificacion e cannabis pa recomendacion di Organisacion Mundial di Salud, reconociendo asina su cualidadnan medicinal y terapeutico.

Pa e rason aki, e Districto ta pasando di un scenario di prohibicion absoluto di e substancia aki na regularisacion di su produccion, acceso y consumo.

Di otro banda, ta predende cu e informacion haya, e capital Colombiano lo por bira un cluster di cannabis medicinal, terapeutico, cosmetico y industrial, pa loke ta haci necesario adelanta procesonan di participacion di varios actor di e industria aki, incluyendo por supuesto, e personanan cu ta consumi e substancia aki, ken historicamente a wordo stigmatisa y exclui di procesonan productivo.

Teniendo na cuenta esaki, ta plantia e prome Encuesta Cannabico di Bogota como un factor pa aborda e fenomeno aki desde un perspectiva di participacion na materia di salud y derechonan, cu lo supera e vision di enfermedad y criminalisacion di e usuarionan cu ta predomina.

Di e manera aki lo kier inclui na comunidad cannabico na diseño, implementacion, evaluacion, control di politica publico den relacion cu su consumo. Na Bogota, segun Encuesta Nacional di Consumo di Substancia Psicoactivo di 2019, 3,6% di e ciudadano a consumi marihuana den ultimo aña, loke ta ekivalente pa casi 280 mil persona.