Ayera diahuebs, Colombia a lanta cu e confirmacion di un di su pio temor. Iván Márquez, ken tabata e hefe di negociacion di FARC den dialogo cu gobierno y ta den un luga desconoci desde un aña pasa, a reaparece ayera na marduga, cu un video hunto cu otro ex Comandante di e guerrilla antiguo, pa anuncia ‘un etapa nobo di e lucha arma’. E mensahe a aumenta e preocupacion di loke ta trata e implementacion fragil di e acuerdonan di paz, cu a ser alcansa tres aña pasa.
“Ideologicamente nos no a ser venci, ni derota nunca. P’esey e lucha ta continua. Historia lo registra cu a obliga nos pa retoma e armanan”, Marquez a afirma na e video den cual e ta hunto cu un grupo di homber arma cu fusil. Tambe tabata acompaña di dos lider importante di e Forsa Arma Revolucionario di Colombia, cu a ser aparta di su compromiso cu e Hurisdiccion Special di Paz (JEP): Seuxis Paucias Hernández, alias Jesús Santrich, kende ta rekeri pa husticia señala pa narcotrafico, y Hernán Darío Velázquez, El Paisa, kende tabata lider di un di e structura mas peligroso di e insurgencia.
Aunke a sigura e decision di bolbe pa e arma, ‘ta e continuacion di e lucha guerrillero den contesta pa e traicion di e Estado pa e Acuerdo di Paz’, cu lo busca aliansa cu ELN, e guerrilla ultimo cu ta activo na Colombia, cu un presencia fuerte na e frontera cu Venezuela. Aunke Iván Duque, cu un aña den poder, a sigura e necesidad di haci coreccion pa e pacto, un promesa di campaña, tambe a señala e compromiso di Gobierno pa acompaña e 10.000 ex-combatiente den proceso di re-incorporacion cu ta haci transito na e bida civil.
