Gobierno Colombiano a autorisa e casa di tribon pa comercialisacion di su aleta, algo cu a lanta indignacion den sector ambientalista y animalista di e pais, como tambe cerca un parti di ciudadanonan cu a rechasa e decision.
Pa medio di resolucion 350 di 20169 di Ministerio di Agricultura, firma diabierna 25 di october, a establece e parti global di e piscamento di diferente especie pa 2020. E documento ta specifica cu e aña proximo lo ta permiti pisca 125 tonelada di tribon y e comercialisacion di 5.2 tonelada di aleta di e especie Carcharhinus Falciformis, conoci como tribon sedoso.
Ademas, e resolucion ta permiti cu por pisca otro 350 tonelada di tribon na ocean Pacifico y lo recoge 9.9 tonelada di especie Alopias Pelagicus, Alopias Supercilliosus y Sphyrna Corona.
Di acuerdo cu Ministerio di Agricultura, e resolucion no ta representa nada diferente compara cu regulacionnan pasa di piscamento di e especienan aki na Colombia, ta resalta cu desde 2015 a establece e mesun cantidad, un total di 500 ton, como limite di piscamento di tribon den ocean teritorial Colombiano.
Segun e minister, e medida aki tin e obhetivo di haci un stop cu e practica di ‘aleteo’, den cual e piscadonan no ta kita e aleta di e animal so, sino cu tambe nan ta debolbe esey pa lama, afectando e especie.
Sinembargo, e polemica rond di e resolucion ta pa otro nobo puntonan, e inclusion entre especie di tribon garantisa pa su pesca y comercialisacion di su aleta, e tribon Alopias superciliosus cu ta un especie menasa den su sobrevivencia di e lista di Convencion riba e comercio internacional di especie menasa di fauna y flora silvestre (CITES).
