(infobae) – Dialuna ultimo a tuma lugar e prome debate tocante creacion di ministerio di Igualdad y Equidad, un di e principal banderanan di e campaña di Gustavo Petro y Francia Marquez pa e presidencia y vice-presidencia di Colombia.
De hecho, e proyecto aki a wordo manda na e Legislativo cu caracter di urgencia, y pa e motibo aki, ta spera cu ta bay vota riba dje prome cu e prome aña di e gobierno actual.
Netamente, e iniciativa aki a keda aproba den e prome debate cu a tene cu e prome comisionnan conhunto di e Senado y Congreso, y un di e prome voznan pa manifesta tocante e premio aki tabata Francia Marquez, cu ta bay lidera e cartera en cuestion.
A traves di su cuenta di Twitter, Francia Marquez a afirma cu e conformacion di e cartera di Igualdad y Equidad ta “un paso fundamental pa dignifica bida na Colombia”.
