Presidente di Comision de la Verdad di Colombia, Francisco de Roux, ayera a adverti cerca ONU di e peligernan si Gobierno no apoya cu claridad e pacto di paz cu FARC y a defende e importancia di cumpli cu tur compromiso.
“Ora tin Gobiernonan nobo, cu no a firma e acuerdo di Estado, no tin claro pa apoya e acuerdo y ta crea dudanan riba e transicion cu a pone den marcha, den sociedad ta aumenta e polarisacion cu tabatin durante e guerra” De Roux a bisa den un discurso na Conseho di Siguridad.
E sacerdote Jesuita a interveni den un debate special riba e procesonan di husticia di transicion den situacionnan di post-conflicto, na cual a invit’e pa ofrece su experiencia den e caso di proceso di paz entre Estado Colombiano y FARC.
Aunke e no a señala directamente e Ehecutivo di Ivan Duque, De Roux a sigura cu ‘un transicion integral’ lo rekeri di Gobiernonan pa cumpli ‘e totalidad di e acuerdo’ di paz y lo bay ‘mas leu, te supera di tur violencia politico’.
Segun a señala, afortunadamente, ora e proceso di transicion integral ta den man di e sociedad, riba hobennan specialmente, ni un hende lo detene, pasobra e pueblonan no ta renuncia pa paz unabes cu nan a purba e entusiasmo di biba fuera di teror”.
Den e sesion a interveni tambe e Alto Comisionado di ONU pa Derechonan Humano, Michelle Bachelet, ken a defende igualmente e eficacia di e tipo di procesonan di husticia transistor aki na momento di supera conflictonan.
