(infobae) – Despues di yega na un pre-acuerdo cu Fiscalia General di e Nacion, un hues di e Republica a condena cinco persona cu cuatro aña di prizon, ya cu nan tabata dedica na traficacion di migrante den e ruta ilegal di Colombia pa Merca, cu e peligroso trayecto door di selva Darien na Panama.
E condenadonan a acepta nan responsabilidad den e delitonan di traficacion di migrante y concierto pa comete delito agrava, y asina a logra reduci nan condena.
“E organisacion na cual e personanan aki tabata pertenece tabata tuma contacto cu ciudadanonan stranhero, specialmente Haitiano y Cubano, y pa 300 dollar aproximadamente tabata duna nan transport terestre, cuminda y hospedahe na un hotel di Medellin y traslada nan na Capurgana (Choco),” segun e organismo investigador a informa.
Unabes yega na e poblacion chikito aki den golfo di Uraba, e red tabata subi nan riba boto y hiba nan Panama pa continua nan caminda pa Merca, y evita via lama di pasa den e dificil parti di e Tapon de Darien, e selva y montaña cu ta separa Colombia y Panama.
E condenadonan, segun investigacion di Fiscalia, tabata dedica na e actividad ilegal aki for di juli 2021 te cu mei di 2022. E ultimo luna aki, ademas, e Direccion Specialisa di Extincion di Derecho di Dominion a embarga y confisca un hotel y tres vehiculo, dos di nan di servicio publico, cu e red di migrantenan aki supuestamente tabata usa.
