(Infobae) – Comienso di aña tabata acompaña di un ola di contagio di Covid-19 na e pais, y mientras cu na mundo ta bati alarma pa plamamento di variante Omicron, na Colombia a tuma luga e Feria di Cali y a duna bonbini na edicion number 67 di Feria di Manizales.
Awor, e siguiente cu festivalnan na diferente region di e pais, e beurt ta di Carnaval di Barranquilla, riba e cual a scucha cierto speculacion pa loke ta trata si lo realisa varios parada of no, di manera presencial.
Dia 4 di januari ultimo, Sandra Gomez director a sigura cu e parada lo tuma luga, cu excepcion di algun di nan. E motibo principal: aumento di casonan di Covid-19 na capital di Atlantico. Aunke tin casonan positivo, tin defini caba e celebracionnan cu ta coresponde na e pre-carnaval cu lo cuminsa dia 22 di januari; cuater dia despues lo cuminsa carnaval di manera oficial.
Di otro banda, Sincelejo ta otro di e ciudadnan cu ta prepara pa su fiestanan y ferianan: 20 di januari ta cuminsa e tradicional y cuestiona ‘corraleja’, debi na caos di maltrato animal cu ta presenta eynan. Ya caba tin luganan cla pa cuminsa e tipo di celebracion aki for di 12 di e luna aki.
Pero tin sector cu ta pidi pa e corraleja lo wordo cancela, pa motibo cu Hector Olimpo Espinosa, gobernador di Sucre, a contesta cu e decision final ta coresponde pa alcalde di Sincelejo, Andres Gomez.
Finalmente, na departamento di Bolivar e decision di permiti of restringi e fiestanan lo wordo tuma pa cada alcalde, y na “La Heroica” dialuna ultimo a culmina cu exito e Festival di Musica di Cartagena, e cual a reuni e miho gastronomia regional y nacional cu musica di camara.
