Segun un articulo di Prensa Latina durante weekend, Aruba, Corsou, Caricom y Colombia a ratifica nan interes den cooperacion. Den un declaracion conhunto despues di clausura di un reunion cu a tuma lugar siman pasa na San Andres, e partidonan a expresa nan interes den reforsa lasonan cooperativo y lasonan amistoso entre Colombia y e Estadonan Miembro di Comunidad Caribense (Caricom), Aruba y Corsou.

Nan a enfatisa e importancia di e programa di cooperacion bilateral 2020-2022, e prome di su tipo entre Colombia y paisnan Caribense, cu a consisti di seis proyecto regional, dos di banda di suministro y cuatro proyecto di dos banda, desaroya durante pandemia di Covid-19, cu resultadonan importante.

Nan a expresa e balor di tene e di 2 Reunion di e Comision Conhunto pa e periodo di 2023-2025, for di Caribe, pa motibo di e impacto di e tipo di programanan aki di cooperacion regional den reforsa capacidadnan humano y institucional di e paisnan, cual nan ta spera lo traduci den politicanan publico y genera un contribucion significante pa desaroyo sostenible cu un vocacion insular y Caribense.

Nan a reitera e compromiso di e gobiernonan pa un cooperacion basa riba horizontalidad, solidaridad, beneficio mutuo y promocion di desaroyo, cu planeamento efectivo di proyecto y iniciativanan comprensivo y concreto.

Ademas, cu contrapartinan defini, coordina y articula, y e aplicacion di mecanismo y sistemanan pa monitoreo, follow-up y evaluacion.

Nan a aplaudi e aprobacion di e Programa di Cooperacion 2023-2025 cu 12 proyecto den areanan di cambio climatico y maneho di riesgo, seguridad y defensa, desaroyo rural, desaroyo economico, cultura y deporte.

Nan a urgi pa tene e di III Reunion di Comision Conhunto pa Cooperacion Tecnico, Educacional, Cultural y di Deporte na 2025, na un fecha y lugar cu mester bay defini a traves di canalnan diplomatico.

Nan a gradici Colombia, especialmente pueblo Raizal y otro habitantenan di Archipielago di San Andres, Providencia y Santa Catalina pa nan disponibilidad pa ricibi nan durante e reunion aki.

Potret di Prensa Latina.