(Infobae)—Autoridadnan Colombiano a captura un capitan di e Ehercito Nacional cu aparentemente ta parti di un gang criminal. E grupo ta dedica na e narcotraficacion pa diferente parti di mundo manera Mexico, Merca y algun pais den Europa.

E soldaat a ser deteni durante un operacion conduci conhuntamente pa oficialnan for di diferente institucion den e capital di e pais. Segun e informacion revela pa autoridadnan, e capitan militar a ser gara cu un envio di 96 kilogram di cocaina. E droga a ser camufla den un van situa den e zona liber di Fontibón na Bogotá.

E soldaat a ser indentifica como Juan Remicio. Hunto cune, cuatro otro persona perteneciendo na e gang criminal a ser deteni. Esakinan ta inclui Julian Alberto Gaitan Gaviria, Aleman Rene Franco Maya, Jairo Alexander Santander y Jose Ricardo Zarate Ramirez.

 

Segun e detayenan provee pa e autoridadnan despues di e captura y confiscacion di e envio di cocaina, e capital di e Ehercito Nacional lo ta parti di un structura transnacional dedica na narcotraficacion. E substancianan a ser obteni pa e gang for di departamentonan manera Nariño, Caquetá y Putumayo.

Despues di a colecta e cargo, e structura di cual e ehercito tabata parti di dje tabata responsable pa transportando esaki entre rutanan nacional y despues mandando e pa paisnan den Centro America y Europa.

Autoridadnan a subraya cu e operacionnan aki tabata exitoso den afectando e economia ilicito di e red criminal, cual tin un balor di casi 600 miyon pesos.

E detencion di e criminalnan a ser conduci pa agentenan di e Gauda Militar Cundinamarca y e Directorado Anti-narcotico di e Polis Nacional; sinembargo, tin varios luna di trabao tras di e incursion aki, segun e informacion cu a sali na cla.

 

Segun e informacion cu a bira conoci despues di e detencion, trabao investigativo y inteligencia militar pa miembronan di e Ehercito Nacional a permiti nan establece cu un miembro di e institucion tabata envolvi den actividadnan conecta cu narcotraficacion.

Danki na e resultadonan di e investigadornan, e agentenan por a establece e identidad y movementonan di e sospechoso, informacion esencial pa desaroya un operacion, no solamente pa captur’e, pero pa entrega un golpi fuerte riba e organisacion di cual el a forma parti.

E agentenan a logra localisa un di e puntonan di deposito di droga, pues e operacion a ser lansa pa desmantela e red. Ademas di e captura e soldaat, varios criminal a ser captura durante e operacion; sinemabrgo, e hendenan ta supuestamente liber caba.

Segun e informacion revela pa e stacion di radio W Radio, e coronel di e Ehercito Nacional y e otro criminalnan captura na e sitio unda e envio di cocaina tabata cla pa ser hiba for di e pais, a ser libera.

E astuto di narcotraficantenan na Colombia a ser exposiciona atrobe despues di un incursion recien di cocaina camufla den fruta den varios waf den e pais. Esaki a ser anuncia pa e director di e Polis Nacional, William Salamanca, via un publica riba su cuenta di X, unda el a specifica detayenan di e envio cu tabat destina pa Europa.

Den e operacion, un di un mita ton di cocaina a ser confisca, distribui den diferente operacion na Santa Marta, Cartagena y Buenaventura. Na cartagena, e confiscacion tabata di 918 kilo di cocaina scondi entre banananan destina pa Spaña, segun e declaracion haci pa general Salamanca. Mientras tanto, na Santa Marta, 391 kilo di e mesun drog a ser intercepta, camufla den fruta destina pa Suisa.

Finalmente, na Buenaventura, 216 kilo di cocaina a ser confisca, destina pa Mexico.

General Salamanca a expresa su sorpresa na e metodonan usa pa criminalnan pa transporta droga, describiendo e manera “cinico” den cual nan ta purba contamina envionan di fruta, e productonan principal di e pais, cu substancianan ilicito.