(EFE) – Armada Colombiano a rescata 158 persona den 10 barco cu tabata bay for di Archipielago di San Andres y Providencia pa Nicaragua y otro paisnan Centro Americano, segun Defensor di Pueblo a informa ayera den cual a pidi condicionnan di migracion sigur y legal pa migrantenan.
“Den aña aki, den 10 barco a rescata 158 persona pa Armada Nacional den e rutanan di Lama Caribe pa Nicaragua y otro luganan di Centro America,” defensor di pueblo, Carlos Camargo a sigura den un comunicado.
Debi na e situacion aki, e organismo estatal di derechonan humano “ta haci un yamada na entidadnan gubernamental pa garantisa condicionnan di migracion sigur, legal, respetuoso di derechonan humano,” Cartago a pidi.
E ruta migratorio via Archipielago di San Andres a activa e aña aki, debi na e gran number di persona cu ta crusa selva di Darien, cu ta separa Colombia di Panama y e peliger cu e travesia aki ta representa.
Pa e motibo ey, a aumenta e cantidad di personanan cu ta purba yega for di e islanan Colombiano na otro shete pais centro Americano cu ta comparti costanan loke ta aumenta tambe e trafico di migrantenan.
Migrantenan ta yega na e islanan como turista, cu tur e documentacion legal y pasashinan di avion, pero despues nan ta busca un boto cu por ta peligroso y nan ta cay den man di traficantenan.
Migrantenan ta kere cu ora cu nan ta subi den un boto legal pero nan ta sali “sin autorisacion corespondiente, loke ta pone den peliger nan bida a pesar cu e ruta aki debi na e prijs ta considera como VIP.”
Aña pasa a reporta e desaparicion di cuatro boto cu 59 migrante, pa loke e defensor di pueblo a pidi na autoridadnan pa haci esfuersonan pa stop e trayecto VIP di migracion iregular y sanciona e benta di actividadnan no autorisa pa ley.
