(Infobae) – For di 8or di anochi di diahuebs 15 di april un biaha mas ta cuminsa e aislamento durante cuatro dia na Antioquia y lo extende durante tur e luna di april. Di 4×3, e gobernacion a establece cu e restriccion pa mobilidad lo mester ta total na teritorio Antioqueño sin excepcion.
Esaki ta pa via cu fin di siman ultimo na Medellin y demas departamento di Antioquia ta e zona di e pais cu mas number a aporta pa e cifra diario di casonan activo di covid-19.
Den ultimo dianan e departamento ta atravesa e di tres pik di e pandemia y e panorama no ta pinta bon. Ta wordo calcula cu e departamento paisa, den promedio, a pone casi 3 di cada 10 caso nobo cu a wordo registra na e pais den ultimo dianan.
Di acuerdo cu informacion di e corant El Tiempo, Natalia Lopez, subsecretario di Salud Publico, a insisti cu tanto Medellin como e departamento ta pasando pa un momento compleho di e pandemia pa un aumento significativo. Ademas, el a splica cu no ta posibel afirma cu esaki ta e pik mas halto cu e ciudad tabatin, teniendo na cuenta cu apenas ta atravesa esey.
Sinembargo, despues di analisa e datonan suministra pa Instituto Nacional di Salud, a determina cu a haya un aumento di casonan, 4.731 contagio nobo diasabra y 3.973 diadomingo ultimo, autoridadnan a conclui cu na e momentonan aki e departamento mester disminui e mobilidad di e personanan na henter teritorio pa baha e presion di e sistema di salud.
Pa loke e gobernador encarga di Antioquia, Luis Fernando Suarez, a splica cu e modelo di acordeon, cu ta consisti di cuatro dia di ciere pa tres di apertura, lo wordo implementa tur fin di siman di luna di april.
