(Infobae) – Fiscalia General di Nacion a cita den un diligencia di interogatorio e alcalde di Cali, Jorge Ivan Ospina, pa cu lo duna un splicacion di su accionnan como sirbido publico y prome na mando di Polis den echonan cu a tuma luga na capital di Valle del Cauca den marco di welga nacional.
E audiencia lo a mester tuma luga ayera despues cu e wordo cancela desde 22 di juni ultimo.
Segun e corant El Tiempo, el alcalde a bisa cu tabata “logico” cu autoridadnan lo investiga pa aclaria loke a pasa na e capital del Valle cu tabata e ciudad cu mas blokeo y personanan morto durante dos luna cu e proceso di welga a dura na Colombia.
Te awor e alcalde tin un mal fama pa loke ta trata su imagen y popularidad. Di acuerdo cu Centro Nacional di Consultoria pa Revista Semana, pa e cual a wordo haci un encuesta, e maneho di circunstancianan cu e welga a trece cune ta haci parti di un mal calificacion cu e mandatario di Cali a ricibi.
66% di e ciudadanonan no ta aproba e gestion di Ospina den aña aki, contra un 24% cu si ta aprob’e, mientras cu 10% no sa, of no a contesta.
Den oranan di marduga di dia 25 di juni, Alcaldia di Cali y forsa publico a haci un operativo di lanta 18 punto di blokeo di ‘Puerto Resistencia’, e ultimo tabata un apoyo di manifestantenan na oriente di e capital di Valle del Cauca.
E operativo cu a cuminsa 4or di mainta cu mas 700 agente, 500 miembro di polis y 250 di Ehercito Nacional y dos helicopter , a logra e lantamento di e punto aki cu tabata activo despues di casi dos luna di protesta social di e welga nacional den contra di gobierno di Ivan Duque.
