E ex guerrillero Seuxis Hernández Solarte conoci como “Jesús Santrich” a ser libera den oranan di merdia di diahuebs 30 di mei, despues cu e mesun organo acusado a cumpli cu e orden di e Corte Supremo di Husticia di duna su libertad.
Despues di resolve varios proceso legal, como e verificacion di antecedente hudicial y testnan medico, e ex comandante di e guerrilla FARC acusa di narcotrafico pa Merca a ser busca pa su abogado y algun congresista di oposicion y a dirigi pa e sede di e partido Fuerza Alternativa Revolucionario di Comun (FARC), despues di permanece 13 luna den prizon.
Te awor, a culmina e trayecto cu Santrich mester pasa despues cu e Hurisdiccion Special pa la Paz (JEP) a concede e garantia di no extradicion y a ordena su liberacion e 15 di mei pasa. Dos dia despues di e orden ey, ora e tabata Sali for di prizon La Picota, agente di Fiscalia a bolbe captura Santrich pa motibo cu nan tabatin mas pruebanan den su contra.
Santrich ta acusa pa DEA di participa den un reunion cu e Cartel di Sinaloa di Mexico ora tabata negocia e envio di 10 tonelada di cocaina pa Merca, pa loke a ser solicita di extradicion pa e pais ey. E Fiscalia tabata busca comproba cu e delito a sosode despues di e firma di paz, cu tabata na 1 di december di 2016.
Di su parti, e Fiscalia a bisa cu ora e no a posiciona den prizon, no tabatin fuero constitucional y mester keda cu e husgado di Paloquemao, na Bogotá. Finalmente, e Corte di Husticia a dicidi di forma unanime cu e fuero constitucional si ta aplica y el a asumi e caso.
