(Reuters) – E pipeline Colombiano Caño Limón-Coveñas tabata predestinacion pa un atake nobo cu explosivo, esaki ta locual e compania petroleo Ecopetrol a raporta, pero no a raporta cuanto victima fatal of heridonan di atake, esaki ta e di diesun pa e aña aki.
E atake a tuma luga den e zona rural di e municipio di Arauquita, den e departamento di Arauca, un region prospera di petroleo y cria na noordoost di e frontera enter Colombia y Venezuela.
E pompmento di crudo via tuberianan di 773 kilometer di largura cu un capacidad pa transporta te cu 210.000 bari di crudo pa dia tabata suspendi na e momento di e atake, un fuente di Ecopetrol a bisa.
E paralisis frecuente di e pipeline no a afecta exportacion of pompmento den e campo di Caño Limón,cual ta ubica na e departamento di Arauca y cu ta wordo opera pa Occidental Petroleum, pa motibo cu ta uzando e pipeline Bicentenario pa transporta e 50.000 bari di crudo produci pa dia.
Na 2018 Caño Limón-Coveñas 89 atake, segun estadistica di Ecopetrol.
E atakenan ta atribui pa e gobierno y e forsa militar di guerrilla ELN, cu ta exixidi di mas o menos 200 combatiente y ta considera como un organisacion terorista pa Merca y Union Europeo.
E presidente Iván Duque, kende a asumi cargo na augustus di 2018 a descarta e posibilidad di cuminsa un negociacion cu e grupo rebelde, despues cu nan a ataca cu un auto bomba un academia di polis na Bogota na luna di januari na unda 22 persona a fayece.
