(El Tiempo) – Diadomingo ultimo 9 di juli, residentenan di un vivienda na sur di Bogota a bati alarma pa zonidonan straño cu a cuminsa sali for di e dos piso di un cas na bario Sierra Morena, ubica na localidad di Ciudad Bolivar.
Paden di e vivienda, un hende muhe di 73 aña a bira victima di tortura y asesinato, segun versionnan conoci pa medionan local. E suceso aki a sucede den oranan di atardi e presunto asesino a huy door di un bentana di e infrastructura.
E cadaver a ser haya door di un bisiña di e muhe, ken a forsa un porta pa por drenta den e cas y establece kico a pasa cu e victima di 73 aña.
E ora ey un yamada na linea di emergencia a permiti cu un unidad di criminalistica a bay ta e zona pa haci e lantamento di e curpa.
E curpa tabatin presunto señalnan di tortura y tabata mara na su man y pia.
Igualmente, ta compilando registronan di camara di seguridad door di investigadonan, ken ta purba di establece e identidad di e presunto asesino y e causanan cu a hib’e pa comete e acto aki.
Oficial di inspeccion di Polis Metropolitano di Bogota, Catalina Guzman a duna detayenan di loke a sucede y e accion di autoridadnan “tin un caso reporta na 123, na personal di Modelo Nacional di Vigilancia Comuntario, na unda a haya un persona sin bida, e hechonan ta materia di investigacion na e momentonan aki,” el a sigura.
