(EFE) – Forsanan di Seguridad di Colombia a detene Alvaro Cordoba na Medellin, ruman homber di ex-congresista Piedad Cordoba, despues cu Merca a solicita su extradicion pa supuesto vinculo cu actividadnan di narcotrafico, e politico a informa ayera.
E ex-senador a pidi a traves di su rednan social pa caba cu “persecucion politico” contra su persona y su famia despues di conoce e hechonan.
“Ni mi ruman Alvaro Cordoba ni ami tin relacion algun cu narcotrafico ni gruponan arma”, el a enfatisa.
E detenido tabata candidato pa Conseho di Medellin pa Partido Liberal na 2011.
Ademas, e ex-senador e reta pa “muestra e pruebanan cu ta sostene e montaje hudicial aki” pa despues cuestiona pakico si su ruman a ser captura diaranson ultimo, “a manten’e aisla y deteni te dia di awe”.
Piedad Cordoba a bin back na politica y awor ta candidato na Congreso pa e Pacto Historico, partido di e iskierdista Gustavo Petro.
E ex-senador ta acusa di tin supuesto vinculo cu e empresario Colombiano Alex Saab, testaferro señala di e presidente di Venezuela, Nicolas Maduro.
