(Infobae) – Cu e obhetivo di mitiga e impacto y poder cu e “narconan invisbel” tin den e pais, durante e ultimo lunanan a registra varios operativo cu a resulta den e captura di algun di e delincuentenan aki cu tin un imagen di empresario den algun ciudad di e pais.
E mas recien di e casonan aki ta esun di e Aleman PAtrick Schmitz, ken a ser captura pa polis nacional na un mansion den Santa Marta, como parti di un operativo cu a registra conhuntamente cu Homeland Security Investigations (HSI), mirando cu e stranhero ta rekeri pa District Court of New Jersey, señala como e hefe di un structura di narcotrafico y labamento di placa.
Segun loke autoridadnan Colombiano a reporta, un detaye cu a hala atencion di e autoridadnan ta cu Smitchz tabatin un altar satanico na e sitio unda e tabata scondi, cu cual e ta bisa e tabata busca “forsanan scur” pa e por scapa di ser gara.
Di mesun manera, a informa cu e Aleman tabata e conexion entre Clan del Golfo di Colombia y algun cede di Cartel de Jalisco Nueva Generacion na Mexico; e stranhero tabata referencia como un experto den e uso di dark web y a confirma cu den e vivienda unda e tabata scondi el a instala un circuito cera di television cual ta monitor 24 ora pa dia.
Autoridadnan a informa cu Schmitz tabatin desde aña 2015 scondi na Colombia unda e tabata usa metodo manera ‘spiel’ y ‘token’ pa facilita e pago di servicionan ilegal cu e organisacionnan criminal di e pais, Centroamerica y Merca.
“E tabata doño di varios portal riba dark web, cu un reputacion criminal halto, via cual e tabata comercialisa na Norteamerica cocaina di varios diferente presentacion y tamaño, pornografia infantil, documentonan falso, servicio di hacking, droga sintetico y accesorionan pa oculta dispositivonan pa warda informacion ilegal,” polis nacional a informa tocante e caso.
