E confiscacion di un armamento den un bario di Barranquilla, y e captura di un pareha, a inicia un investigacion mediante e cual autoridadnan di Merca a descubri un red cu tabata trafica arma di e pais ey pa e grupo terorista ELN.
Den e operativo a cay otro Colombiano cu tabata biba na Miami y cu tabata encarga di e compra di e productonan y di su transporte pa Colombia.
Na october di aña pasa, e Polis Metropolitano di Barranquilla a realisa un ayanamiento den un cas di e bario El Valle, den cual a ser haya un arsenal di arma, cu lo wordo manda pa distinto luga di e pais pa provee e Clan di Golfo, ELN y EPL supuestamente. Den e operativo a ser captura un pareha cu tabata biba na e luga, identifica como Álvaro Arcila y Íngrid María Maldonado.
E oficialnan federal tambe a investiga e number di inventario di e etiketa di e cadena te cu nan yega na un di su tiendanan na Miami. Ora nan a descubri cu e compresor a ser cumpra na september di 2018 pa Francisco José Arcila Ramírez, ken tabata e ruman homber di Álvaro Arcila, cu a ser captura na Barranquilla. Ademas, imagen di camara di siguridad den e zona ta ubica e homber ora el a drenta den e tienda.
Asina nan a establece cu Francisco Arcila, hunto cu otro suheto identifica como Gregory Fernando Ortega, a utilisa un cumprado fantasma pa adkiri armamento na distribuidor autorisa di Miami. Despues el a manda nan scondi den compresor di airco te Barranquilla, unda nan tabata ricibi pa su ruman, encarga di e distribucion na e pais.
Awo, e tres persona ta acusa di distribui arma di candela sin licencia, di haci declaracionnan falso pa un distribuidor di arma cu licencia federal, di uni pa estafa Merca y di apoya teroristanan. Francisco Arcila a declara su mes inocente, mientras cu e huicio ta sigui.
