(La Republica) – A captura Sergio Tarache -hoben di 21 aña y nacionalidad Venezolano ken tabata busca tanto na nivel nacional como internacional pa e feminicidio di Katherine Gonzalez di 18 aña- riba diamars 11 di april pa Polis di Colombia mientras e tabata cana den e cayanan di Bogota.
Gonzalez a muri despues di seis dia di lucha na Hospital Loayza, unda e tabatin kemaduranan na henter su curpa despues cu Tarache a basha combustibel riba dje y a cendel’e den candela pa despues huy for di e luga. E atake aki a tuma luga diasabra 18 di maart na Plaza 2 de Mayo na centro di Lima, Peru.
Segun fuentenan cercano na Polis, un persona a reconoce Tarache y a avisa autoridadnan, Polis a procede cu su intervencion mientras e tabata nenga di duna su identificacion.
Di otro banda, Canciyeria di Peru a traves di red social Twitter a anuncia cu Consulado General di Peru na Bogota ta apoya e gestion vincula na captura di Tarache. Segun e relato policial di e hechonan, ta trata di Sergio Tarache Parra, un hoben cu e cual Gomez tabata mantene un relacion sentimental, di e cual el a dicidi di pone fin.
Bendedonan cu tabata den e zona e dia ey a yuda e victima y nan a logra paga e candela, pero no na tempo pa evita cu 60% di su curpa a kima.
Seis dia e famia di Gomez mester a warda pa autoridadnan duna un orden di captura contra Tarache ken a sali di e pais di manera ilegal pa no pasa ningun control migratorio.
