Colombia: 197 defensor di Derechonan Humano asesina na 2022

(EFE) – Aña pasa tabata un periodo hopi scur pa esnan cu ta dedica nan bida pa defende e derechonan humano y nan teritorio na Colombia. A registra 197 asesinato di defensornan, 42% mas cu na 2021, segun e rapport anual di organisacion Somos Defensores a revela.

E cifra aki ta similar na esun reporta pa otro organismonan como Defensor di Pueblo (215) of Indepaz (189).

“Casi ta iguala e cifra di 2020 ora a registra 199 asesinato, e number di mas halto di personanan defensor asesina den un aña confirma pa nos sistema di informacion,” Somos Defensores a resalta den nan rapport: “Interludio. Informe Anual 2022.”

Pa e programa Somos Defensores ta un preocupacion e persistencia di violencia contra e personanan defensor di derechonan humano y lidernan social den special e aumento di 42% di e asesinatonan den 2022 den relacion cu 2021,” e coordinador di e organisacion aki, Lourdes Castro a afirma.

Na 2022 a confirma “un tendencia di persistencia di violencia selectivo na e pais,” ya cu ademas di e asesinatonan a produci 840 agresion di diferente tipo cu ta mustra diversidad di hechonan violento den cual e lidernan social y defensornan ta enfrenta.”

Aña pasa tabata un aña di transicion na unda Gobierno di Ivan Duque ken su partido a opone na firma di acuerdo di paz cu FARC, a duna paso na e prome presidente iskierda di Colombia, Gustavo Petro cu no a supone manera a resalta, un bahada den e morto di defensornan.

Somos Defensores a sigura cu Duque a laga un legado “cu no por ta pio.” Cu aumento y expansion di structuranan arma den margen di ley durante su gobierno. Pa loke ora Petro a yega na poder, a hacie cu “un panorama di reconfiguracion di e dinamica di conflicto arma cu un geometria variabel teritorial compleho.”

Castro a reconoce “e boluntad politico di e Gobierno actual pa enfrenta e situacion.” Cu politica manera e plan di emergencia pa proteccion di personanan defensor, lidernan social y firmantenan di paz.

Pero a considera necesario un evaluacion conhunto entre organisacionnan y Gobierno pa “impacto real di implementacion pa haci ahustenan y cambionan cu ta considera necesario” den e marco di e paz total.