Diesdos persona a muri y 1396 famia a keda afecta pa awacero cu a cay den ultimo dies dia na Colombia. E pais aki ta registra varios deslisamento y tormenta na diferente zona, fuente oficial a informa.
Unidad Nacional di gestion di riesgo a registra 60 situacion di emergencia entre 17 y 27 di maart, na 55 municipio di Colombia. 22 cas a keda destrui y 565 ta afecta pa motibo di awacero cu a cay den ultimo dianan.
Durante e periodo aki a tuma lugar 21 inundacion , 17 deslisamento, nuebe riu cu a crece, 7 vendaval hunto tormenta electrico, unidad di gestion di riesgo a splica, mientras cu tabata papia di situacion di emergencia den 11 departamento di 32 departamento cu Colombia tin.
Carlos Ivan Marquez, director di unidad di gestion di riesgo di Colombia a pidi tur Colombiano, pa no bay cerca di lugar unda por sucede deslisamento y inundacion. “El a pidi pa tene precaucion y keda atento pa tur sistema di alerta tempran.”
Marquez a adverti autoridadnan local cu nan mester keda alerta pa riu y rooi cu por sali di nan cauce, pa tal motibo a solicita pa duna informacion lihe na tur organismo di auxilio tocante cualkier evento cu por sucede y asina brinda atencion y realisa un evacuacion preventivo.
