Dr. Michael Conforti, director di Assisi Institute: ‘The International Center for the study of Archetypal Patterns’ lo bini Aruba pa un encuentro unico y historico pa locual ta desaroyo di psicologia na Aruba.
Sr. Conforti ta hopi conoci pa duna lectura na Switzerland cual ta e base di psicologo legendario Carl Jung. E tipo di psicologia aki (Jungian Psycology) ta e unico den psycho analisis cu tin dos liña grandi; Jungian y Freudian. Hulanda ta opera practicamente riba Freudian Psychology compara cu Jungian cu ta bay mas den e area di bo sub-consciente y spiritual/esoterico.
“E ta importante pasobra e liña cu por ehempel AZV ta canando cu ta hopi riba big pharma/medicina, ta basa riba e parti Freudian di psicologia/terapia. Y nan no ta reconoce e otro parti y ta coincidencia cu via Respaldo nan kier trece psicologonan Hulandes. Pero e otro liña aki tambe ta yegando Aruba”, segun Dimitri Halley. Creando e aliansa aki cu sr. Conforti su instituto, Aruba lo por cuminsa bira un centro pa e tipo di psicologia ey pa e regio. “Esaki lo reforsa nos conexion indigena afro-caribense”, sr. Halley ta bisa.
Evento simbolico pa Aruba
Dr. Conforti lo ta na Aruba otro siman pa un periodo di seis dia y lo tin un encuentro special riba dia 28 di maart na Faro Blanco for di 7-9pm. Esnan interesa por libremente yama na 583-0114 pa registra.
Actualmente nos tin dos tipo di scenario/timeline den sociedad humano cual uno ta mas bay riba escape cu droga, anto e otro ta mas riba purba establece un conexion spiritual cu naturalesa y bo mes. “Esaki ta un evento simbolico pa Aruba pasobra ta basicamente un reconocemento di mi trabao na Aruba pa e hendenan aki. E ta bay duna Aruba un alternativa pa e area aki”, segun sr. Halley.
Trauma
Jungian Psychology ta e unico tipo di psicologia cu ta hiba bo den bo sub-consciente anto akiden ta unda mayoria trauma pisa ta wordo deposita, y hendenan no ta corda nan. “Mi tin hopi hende cu a bin cerca mi cu trauma pero e parti mas duro nan no ta corda. E unico manera pa yega eynan por ehempel ta via bo soñonan (Dream work).” Sr. Halley ta splica cu e resto di psicologia na Aruba ta trata solamente cu locual por wordo mira for di pafo.
E cambio cu e tipo di terapia ey por ocasiona ta hopi leve pasobra nan no por bay den e ‘hardware’ manera debe ser segun sr. Halley. Su centro ta e unico luga na Aruba cu ta ofrece un psicologia mas profundo. Carl Jung ta un psicologo cu a yega di bay Africa, Merca cerca e hendenan indigena cu e tabata sa lo tin e conexion cu e mentalidad indigena di Dios. “Pa nos por haci husticia pa e cultura Arubiano, nos meter di esey. Mi research ta mustra mi cu nos cultura ta sumamente indigena ainda y nos no sa mes.”
Cuido alternativo mental
E importancia pa Aruba bay mas den e tipo di psicologia aki ta hopi grandi segun sr. Halley pa mantene e conexion aki bibo. “Ora bo puntra un Arubiano conta cu ne, e ta bisa bo rustig of trankilo. Na Hulanda nan ta interpreta esey manera bo ta floho. Pero e ta bin di cultura indigena cu semper tabata trankilo bao tur circumstancia, e no ta flohera”, segun sr. Halley. Algo pa pone atencion na dje ta pa Aruba cuminsa mira den traha cuido alternativo mental (timeline) pa e Arubiano por escoge pa bay bek un psicologia cu ta conecta na su raiz, of sigui den e mundo di droganan kimico cu no ta reconoce e mundo spiritual. “Nos a wordo colonisa y mentalmente programa pa pensa cu cosnan di Hulanda of Merca ta miho. E ciclo di desaroyo di consciencia ta importante pa studia.”
Spiritualidad y ciencia
Sr. Halley ta sigui bisa: ‘ si bo mira e pelicula nobo Black Panther, nan ta papiando di un luga na Africa cu ta fuera di tempo y espacio, e ‘garden of life’. Esey ta locual nos ta bayendo bek na dje, un conexion na esaki. Nan ta mustrando cu nos ta bayendo bek na e cuminsamento.’ Sr. Halley ta bisa cu ta nos mester mustra Europa/Hulanda e caminda, ta djis nos no a cuminsa compronde ken nos ta. Nos tin e conexion aki cu Europa mester segun e psicologo. Sin e conexion aki, bo ta cuminsa pensa riba suicidio cual ta pasando na Europa mas hopi. “Locual nos ta yama spiritual ta un tipo di ‘haltura’ cu un hende mester pa ta contento.
E gobiernonan anterior a mal uza e pensamento cu Aruba ta hub pa sur America, e tabata basa ariba esaki. Cu nos tin e conexion cu e mundo spiritual, Africa, Sur America, nos tin e. Hulanda no tin e por ehempel pasobra nan ta mas cientifico den nan mentalidad. ” Kiermen Aruba ta cla pa introduci e tipo di psicologia aki pasobra nan ta biba esaki segun sr. Halley. “Tur hende cu bin cerca mi ta pasobra di esey, pasobra mi tin e conexion ey.
Tur hende cu bini cerca mi ta papia di conexion cu spirito, demonionan etc y tur esey ta spiritual. Pa e Arubiano, unabes cu e haya su confiansa cu mi y compronde esey ta e tereno cu mi ta move riba dje, ta eynan so nan kier bay. E realidad ta cu hopi hende ta sigui bishita bruho akinan, lesa carta y tur esey. P’esey psicologia Jungian ta duna bo e espacio pa compronde mas di esakinan.”
