Coca Cola tin pensa pa produci un bebida alcoholico pa prome biaha den nan historia di 125 aña – cu un alcopop-style di producto produci na Hapon. Na e pais tin un bebida local yama Chu-Hi cu ta similar na loke nan kier haci – un soda cu un alcohol aden yama shochu. E producto ta entre 3% pa 8% di alcohol. Un ehecutivo di Coca Cola na Hapon a bisa cu esaki ta un experimento modesto pa un pida specifico den nan mercado na Hapon.
Awor cu consumidornan hoben ta birando mas consciente riba e parti di salud, Coca Cola ta diversificando nan productonan. November di aña pasa, Wells Fargo su analista Bonnie Herzog a specula cu Coca Cola lo move den direccion di alcohol. Tabata semper tin preocupacion y duda rond esaki mirando cu e lo por influencia hende hoben pa bebe alcohol den cantidadnan halto pasobra e ta asina facil pa consumi.
FUENTE: BBC
