(NLTimes) – Autoridadnan cu lo tuma e mando na Rotterdam lo enfoca riba e tema di siguridad, naturalesa, construccion y bunitesa durante e proximo 4 añanan.

E coalicion nobo di Leefbaar Rotterdam, VVd, D66 y Denk a presenta e plannan pa e termino binidero di e conseho di e ciudad den un pakete administrativo titula “One City” (un ciudad). El a ser crea cu e asistencia di lider di formacion Wouter Koolmees y a keda publica riba diabierna.

E 4 partidonan politico kier mas siguridad riba caya, un strategia mas estricto riba congestion di trafico, maneho mas estricto di violencia di arma di candela y miho proteccion pa e muhenan parti di e comunidad LGBTQ+. E coalicion tambe kier tuma un posicion mas estricto riba e organisacionnan cu ta tragica arma di candela y e criminalidad afilia. Mehora e siguridad di e bida nocturno tambe ta un prioridad halto.

E cayanan na Rotterdam tambe mester bira mas bunita cu e desaroyo di mas ekipo di limpiesa y accion mas estricto mester ser tuma contra personanan cu ta crea polucion y ta pone sushi banda di e bari di sushi, particularmente ora cu e ta yen. 20 hectar di naturalesa mester keda añadi na e ciudad, y un suma di 100 miyon extra lo ser poni un banda pa innovacionnan berde. Mas areanan liber di auto den barionan cerca di e centro lo provee mas espacio pa ciclistanan y peatonnan. Pago pa parkeer lo keda introduci na mas luga, y parkeerplaats den e centro lo bira mas caro.

Apesar di costonan cu ta aumentando pa cuido di salud cu ta forsa Rotterdam tuma decisionnan dificil, e ciudad no kier perde vision di e dimension humano. E cuido mester keda den linea y di acuerdo cu e necesidad di e habitantenan na Rotterdam, y asina bira mas organisa pa y den barionan, pa asina logra cu esaki ta mas obtenibel pa habitantenan di Rotterdam.

Aunke club di futbol Hulandes Feyenoord a indica den April cu nan no por cubri e gasto na construi un stadion nobo actualmente, y cu nan no tin deseo di persegui e proyecto aki mas, e municipalidad lo mantene tur opcion habri ainda pa construi un De Kuip Stadion den Feyenoord City. “Si Feyenoord dicidi den futuro di construi un stadion nobo, nos kier facilita e espacio pa esaki, cu e condicion cu e stadion mester contribui na e desaroyo socio-economico di Zuid.” Pa loke ta concerni e conseho, e construccion di miles di cas na Rotterdam-Zuid ta den proceso y e stadion aki no por para den su caminda.

Solamente un wethouder femenino, Chantal Zeegers di D66 lo ricibi un asiento den egrupo, cual ta consisti di Alcalde Ahmed Aboutaleb, y e 9 wethoudernan. Zeegers lo ta responsabel pa clima, construccion y asuntonan relaciona cu vivienda. Cu e composicion di e grupo, Rotterdam ta keda drasticamente diferente na Amsterdam, cual tin 9 wethouder femenino.

Como e partido mas grandi, Leefbaar Rotterdam lo tin 3 wethouder. E otro partidonan den e coalicion lo tin solamente 2 wethouder cada un. E coalicion tin 25 di e 45 asiento completo den e conseho di e ciudad.

Robert Simmons (waf, economia y administracion, Gerben Vreugdenhil (Finanzas y proyectonan grandi manera Feyenoord-City) y Maarten Struijvenberg (cuido di salud) lo representa Leefbaar Rotterdam. Wethouder actual Vincent Karremans ta reponsabel pa aplicacion di leynan, espacio na aire liber y mobilidad di parti di VVD. Su colega di partido Tim Versnel lo ricibi e responsabilidad di empleo y inresonan, conhuntamente cu e desaroyo di e region Rotterdam-Zuid.

Ademas di Zeegers, wethouder actual Said Kasmi lo bolbe na e responsabilidad di educacion, cultura y eventonan di parti di D66. DENK, ken ta forma parti pa prome biaha den henter Hulanda, lo ta responsabel pa e portfolio di bienestar, sociedad y deporte den man di lider di partido Faouzi Achbar. Problemanan relaciona cu pobresa, alivio di debe y lenguahe lo ser maneha pa Enes Yigit.