(AP) – CNN su John King a revela durante un discusion live di mandatonan di vacuna di COVID-19 riba diamars cu e tin e malesa Multiple Sclerosis.
“Mi ta bay revela un secreto cu mi nunca no a conta antes,” King a bisa mientras cu e tabata dirigiendo e panel su discusion durante su programa “Inside Politics.” “Mi ta un persona cu un sistema inmunologico comprometi. Mi tin Mulitiple Sclerosis. Kiermen, mi ta hopi gradici cu boso tur ta vacuna.”
King y su invitadonan riba e programa tabata papiando di e mandao den contexto di e morto di e secretario di estado anterior Colin Powell, kn a fayece dialuna pa causa di complicacionnan cu COVID-19, aunke e tabata vacuna pa motibo cu e tabatin un cancer cual a compromete su sistema inmunologico.
CNN ta rekeri pa tur su empleadonan cu ta bin traha den oficina of ta riba caya cu otro personanan mester vacuna, y a kita for di trabao 3 persona ora cu nan a presenta na trabao sin vacuna.
King, ken tin 58 aña di edad, a bisa cu su yiu homber di 10 na no por ricibi vacuna te ainda, y ta hopi preocupa di trece e virus cas y pega su tata.
“Mi no gusta cu e gobierno kier bisami kico pa haci,” King a remarca. “Mi no gusta ofa mi hefe bisami kico pa haci. Den e caso aki, e ta hopi importante.”
King a eherce trabao como un reportero politico, corespondiente di e Cas Blanco y corespondiente nacional di CNN despues di a uni e red di television despues di a traha cu The Associated Press den aña 1997.
