(EFE) – E mandatario Colombiano, Gustavo Petro, a sigura diamars ultimo cu e decision di Conseho Nacional Electoral (CNE) pa habri un investigacion y entrega acusacion contra su campaña 2022 ta kibra su hurisdiccion presidencial y a insisti riba su tesis di un golpi di estado.

“Awe e hurisdiccion integral di e presidente di Republica di Colombia, cu ta defende e Constitucion, a kibra. Awe e prome paso di un golpi di estado a ser tuma contra mi como presidente constitucional, eligi democraticamente pa medio di voto popular pa mas di 11 miyon ciudadano”, asina e hefe di estado a bisa den un discurso na e pais.

CNE ta considera cu Betro, como candidato; E gerente di su campaña, Ricardo Roa, y otro miembronan di su team mester contesta “pa e supuesto violacion di e regimen di financiamento di e campañanan electoral”, ya cu ta sospecha cu nan a surpasa e limitenan di gasto estableci y a bay busca fuentenan prohibi cu nan no a declara.

E mandatario a lansa critica fuerte riba e organo electoral y a sigura cu e ta “infiltra pa e mesun politiconan cu a goberna nos pais pa decadanan.”

Petro a insisti riba CNE: “cu a presenta acusacionnan contra mi. Esaki ta viola nos Constitucion y mi hurisdiccion claramente. “Loke a pasa awe ta pone e institucion cu mi ta representa na peliger.”

Tambe el a subraya cu e organo administrativo aki no por investiga e presidente di e republica kende su hues natural ta e Comision di Acusacionnan di e Camara di Representantenan.

Di acuerdo cu loke ariba ta menciona, Petro a bisa cu el a pidi e Comision di Investigacion y Acusacion di e Camara, su hues natural, pa “haci e dossier publico” pasobra tin mas cu 25 prueba di testimonio, 34 documental y tres inspeccion hudicial cu a ser realisa.

“Ta pa medio di prueba mi ta reclama mi inocencia y ta censura e procedura ilegal y inconstitucional di e Conseho Nacional Electoral,” el a enfatisa.

Finalmente, el a haci un yamada na hende pa mobilisa “pa defensa sin restriccion di democracia” y tambe a pidi “mundo pa paga tino na Colombia y yuda nos defende nos democracia.”

Segun CNE, campaña presidencial di Petro no a informa e organisacion ey den su cuentanan di contribucionnan pa e prome buelta di eleccion, cu a tuma luga dia 29 di mei 2022, cu ta suma 3.709.361.342 peso (rond di $878.000).”

E contribucionnan aki a ser haci door di Federacion Colombiano di Educadornan (Fecode), partido Polo Democratico Alternativo y Union Sindical Obrero (USO), ni di gastonan pa pago na testigonan electoral y di propaganda, entre otro.

Relaciona cu e di dos buelta electoral, cu a tuma luga dia 19 di juni 2022, e campaña di Petro, segun CNE, tambe supuestamente a viola “e limite di gasto pa e suma di 1.646.386.773 peso (mas o menos 389.541 dollar awe).”

Ora di nenga e acusacionnan treci pa CNE, Petro a mustra cu nunca tabatin donacion di Federacion Colombiano di Educadornan (Fecode), ni di Union Sindical Obrera (USO), pa motibo cu e placa ey a bay pa partido Colombia Humana.