Clifton End ta considera cantante, compositor y maestro Ced Ride q.e.p.d un di su influencia musical di mas grandi, kende a reconoce su talento for di un edad hoben. Segun Clifton, Ced Ride tabata un gran influencia, tanto den e parti di entretenimento y e tecnica vocal. Pa conmemora e di dos aniversario di Ced Ride su fayecimento, Clifton ta lansa ‘MO Nĺ FÉ’ un fusion di afro bolero cu ta nifica ‘Mi stima bo’ na e lenga Africano Yoruba.

Na 2017, Clifton a lansa e piesa ‘Mi Pais’, pa celebra dia di Kòrsou y pa expresa su orguyo pa nos patria. Despues cu Ced Ride a duna su aprobacion pa ‘Mi Pais,’ el a duna Clifton dos tema di dje mas pa e interpreta, y ‘MO Nĺ FÉ’ tabata un di nan. E composicion originalmente ta un bolero, pero despues di un presentacion na Portugal, Clifton a haya e inspiracion pa haci un fusion di e piesa.

‘MO Nĺ FÉ’ a keda graba basta tempo caba, pero pa motibo di e pandemia, Clifton no a haya Ced Ride su aprobacion final prome cu su fayecimento. Segun Clifton, e piesa tabata cla pa bay ‘master,’ pero e kier a warda e proximo biaha cu e lo tabata na Corsou pa bay personal cerca Ced Ride, pa el a scucha e producto final. “Lamentablemente el a fayece prome cu esaki por a tuma luga, pero na mei ultimo, m’a pidi su famianan permit pa lansa e produccion,” Clifton a splica.

Clifton ta gosa di un karera impresionante, unda el a crea un fanaticada fiel cu semper a sostene. Despues cu e pandemia di COVID-19 a paralisa mayoria presentacion y plan pa casi tres aña, Clifton ta yen expectativa pa lansa diferente proyecto e aña aki. Clifton no a sinta keto durante pantomina y na october 2020 el a lansa e kizomba ‘KANDELA’. Clifton a composita e piesa aki hunto cu Vincent da Silva Jr., unda e cancion ta papia di un amor ardiente cu mester keda sacia.

Diferente proyecto na caminda

E EP tan spera, cu tentativamente ta titula ‘Mi Pais,’ keto bay ta plania pa sali na fin di 2023. E ‘cover’ di ‘Mi Pais,’ ta e prome piesa, sigui pa un colaboracion cayente cu e banda Buleria. Mescos cu nan a invita Clifton riba ‘Wat Is Je Naam’, awo ta turno di atletico banda Rubiano pa colabora cu Clifton, unda specificamente cantante Buddy lo tuma e encargo.

Clifton tabata asina impresiona cu Buddy su habilidad nan vocal cu e kier a colabora un bes mas cu e talentoso cantante. Tambe, Clifton tin un colaboracion bunita na caminda cu e maestro di kompa, cantante Stanley Clementina, banda di algun interpretacion ‘soulful’, unda e ta bay back na su prome amor en espera di un album dedica na e genero aki.