Relaciona cu e welga recientemente di e trahadonan di WEB Aruba N.V., a pone cu durante luna di november e empleadonan di WEB cu ta tuma meterstand no a traha segun nan schedule regular.
Consecuentemente, a cuminsa tuma meterstandnan un par di dia mas laat, cu ta trece cu ne awor cu e luna ta conta cu algun dia extra na luga di 30 of 31 dia di consumo. Ta obvio cu e dianan cu bini extra e luna aki lo ta di menos den e cobransa di e siguiente luna.
ELMAR N.V. ta pidi su disculpa na clientenan cu e inconveniencia cu e situacion aki lo por causa pa su clientenan, pero e ta un situacion fuera di nos alcance. Esaki lo wordo corigi otro luna y lo bolbe na e forma normal di atende cu tumamento di meterstand, pago di e cuenta di utilidad y e forma con ta manda cobra clientenan di ambos compania di utilidad di nos isla.
