Entidad Publico Boneiro a haya un empleado acerca. Su nomber ta
Claire Cointepas. For di cuminsamento di september ta hefe di departamento
Veterinario Boneiro cu recientemente a institui. E ta encarga cu entre otro
keurmento di carni importa. E renobacion di e matadera tambe ta cay bou di su
responsabilidad.
Claire a nace na Inglatera y a lanta na Hulanda. El a studia Medisina Veterinario na
Universidad di Utrecht. Durante su estudio Claire a traha como boluntario na
Madagaskar y Portugal. Na e paisnan ey e tabata sterilisa animal. Despues di a
gradua el a muda pa Islanan Galápagos. Eynan durante un aña el a traha como
dokter di bestia. Despues di un aña na Islanan Galápagos Claire tabata cla pa
enfrenta un reto nobo.
Na luna di februari 2021 Claire a bin Boneiro pa yuda establece un clinica pa
bestia. For di luna di september Claire ta eherce e funcion di Hefe di
departamento Veterinario Boneiro. Hunto cu su team e ta bay sigui duna forma na e
departamento Veterinario Boneiro.
Boneiro ta trece trankilidad, regularidad y un aventura nobo pa Claire durante e
añanan binidero. ‘Boneiro ta chikito y trankil y e hendenan ta hopi cariñoso’, segun
Claire. Banda di su trabou na departamento Veterinario Boneiro e ta bay dedica su
mes tambe na siña papia papiamento y ‘freedive’. Dentro di algun aña Claire ke
papia papiamento perfectamente bon. Mas aleu tin un desafio tambe pa loke ta
trata ‘freedive’. Su record di sambuya mas largo y mas profundo ta 60 seconde y 23
meter. Kisas aki na nos isla e ta bay kibra su propio record.
