Na mesa di redaccion di Bon Dia Aruba frecuentemente ta yega informacion di ciudadanonan cu ta nota cosnan cu ta anda incorectamente na Aruba. Den e caso aki, por a nota un vehiculo pisa ta pasa riba santo blanco, algo cu no ta permiti.
Den e caso aki, e truck ta para riba e santo blanco sin cu ningun instancia of representante di autoridad ta pone orden y laga regla y leynan cumpli.
Mirando cu tin hopi situacionnan unda gobierno di Aruba no ta actua contra esnan cu ta viola regla y leynan, ta cuestiona e “maneho di tolerancia” y con ta dicidi na ken ta aplica ki regla y ki ley.
Den proximo edicionnan Bon Dia Aruba lo presenta mas di e sorto di situacionnan aki. Si bo ta mira algo cu no ta legal ta tuma lugar, of cualkier fout cu mester atencion di gobierno, comparti bo potret cu nos a traves di noticia@bondia.com.
